नेपाळ विमान अपघात: काठमांडूमध्ये टेक ऑफ करताना 19 जणांसह सौर्य एअरलाइन्सचे विमान कोसळले

काठमांडू येथील त्रिभुवन आंतरराष्ट्रीय विमानतळावरून उड्डाण करण्याचा प्रयत्न करत असताना बुधवारी १९ जणांना घेऊन जाणारे विमान धावपट्टीवरून घसरले आणि कोसळले. अनेक लोकांचा मृत्यू झाल्याची भीती आहे. देशांतर्गत Surya एअरलाइन्सचे हे विमान पोखरा या लोकप्रिय रिसॉर्ट शहराकडे जात असताना आज सकाळी 11 च्या सुमारास हा अपघात झाला, अशी माहिती सूत्रांनी दिली. विमानातील १९ जणांमध्ये प्रवासी आणि विमानातील कर्मचारी होते. विमानतळ बंद करण्यात आले असून आपत्कालीन कर्मचारी घटनास्थळी कार्यरत आहेत. विमानतळावर तैनात असलेल्या एका सुरक्षा अधिकाऱ्याने दिलेल्या माहितीनुसार, विमानाच्या पायलटला रुग्णालयात नेण्यात आले आहे. विमानातून लागलेली आग विझवण्यात आली आहे, असे अधिकाऱ्याने सांगितले. पोलीस आणि अग्निशमन दलाचे जवान अपघातस्थळी बचावकार्य करत आहेत.